MOHOHUTUBA 10:15 - Alkitab Singog In Mongondow Masa In Tanaa

¹⁵ Tongábí intau bodok in diá monotaau kon daḷan mayá in baḷoinea, sia in yumoyiga in mogaid diá mogoga-gogai.

MOHOHUTUBA 10:15 Referans Kwoze

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

MOHOHUTUBA 10:3

Kobodokannea in koontongan kon bayongan dodianea. Bo bayongan intau popoontongannea in dondunguḷnea.

MAZMUR 107:7

Sia in nodia kon i monia nongin daḷan inta notuḻid minayá in pinogutunan kon kotá.

MAZMUR 107:4

Oyúon in nodondaḷoi kon kayuon, bo diá nonotaau in daḷan mayá pinogutunan kon kotá.

HABAKUK 2:6

Táe bayongan inta ain pinotungkudnea tatua in monigidbí bo mopoḷoḻeke kon inia. Mosia in moguman nanaa, “Kinutukdon in iko sin nomontuyungdon kon pakakat inta deeman iko in kitogi! Dapotpa in toonu in iko in mopooyúon kon inimu tontaní pongin aid momakisa kon intau mita inta koboḻi kon inimu moguboḻi kon boḻi monia?”

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

MOHOHUTUBA 10:10

Aka pitowmu mobangkungdon bo diá dilúonmu, yo musti in iko mogaid takin rumoriga totok. Paké in akaḷmu inta mosehat, bo muna pogaid kon tomayá.

MOHOHUTUBA 10:14

Totuu, intau bodok mobayong in singog. Singgai moiduduimai noibunibí kon inaton komintan. Diábí in mokotoḷanow kon onu in mobaḻí naonda in kita diádon.

MOHOHUTUBA 10:16

Moboditodon in butá inta datunea moguodpa totok, bo intaunea mita moḷoben momia kon rame kino ouput in doḷom.