MOHOHUTUBA 10:14 - Alkitab Singog In Mongondow Masa In Tanaa

¹⁴ Totuu, intau bodok mobayong in singog. Singgai moiduduimai noibunibí kon inaton komintan. Diábí in mokotoḷanow kon onu in mobaḻí naonda in kita diádon.

MOHOHUTUBA 10:14 Referans Kwoze

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

MOHOHUTUBA 8:7

Diábí tobatúmai in intau in nonotaau mongo onu in mobaḻí kon inia kon singgai moiduduimai, bo diábí doman in mokopotaau mongo onu in mobaḻí.

MOHOHUTUBA 6:12

Naonda in kototaau in intau kon onu inta totok in mopia kon inia kon bonu in kobiagannea inta motoyong bo diá in baragunanea, bo inta moitaḻib naonda bo oḻinow? Naonda in komomangaḻe in intau kon onu in mobaḻí kon dunia naa naonda in sia diádon?

MOHOHUTUBA 5:3

Dá, aka iko modandi kon i Allah, yo koḷamemet in mogintompod. Sia in doíbí kon intau inta mogaid kon inta diá moitutui. Tuamai, intompodai in dandimu.

MOHOHUTUBA 3:22

Tuamai in kinotaauankudon kon diábí in mopia-pia kon intau koḻikudbí in momaké kon onu inta siniḷopíannea. Koḻikud intua diábí in motaau aidannea. Diábí doman inta kotaauannea mongo onu in mobaḻí naonda in sia matoi.

AMSAL 10:19

Mobarong in singog, mokodugang doman kon dosa; intau inta mokoḷukad kon dilánea in mobijaksana.

AYUB 35:16

Diábí in mangaḻe in pongingguputanmu kon tosingogonmu, nosilangdon, diábí kinotaauanmu onu in siningogmu.

AYUB 34:37

Taḷánea in dinugangandon in tobatú dosa; sia in nomarontak kon i Allah, bo noningkuḻe kon i-Nia kon tayowon naton.

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

MOHOHUTUBA 9:1

Tua komintan in iraiku kinopira totok. Ki Allah in nonompia kon kobiagan in intau inta mopia bo mobijaksana, modapot in aka intau tatua moyongó andeka motabi. Diábí in monotaau mongo onu in mobaḻí kon singgai moiduduimai.

MOHOHUTUBA 10:15

Tongábí intau bodok in diá monotaau kon daḷan mayá in baḷoinea, sia in yumoyiga in mogaid diá mogoga-gogai.

YEHEZKIEL 35:13

Ei bangusa in Edom, moambungangaḷ in moiko bo moḷoḷatú in singogmu kon i-Nakó. Dinongog-Ku bidon intua komintan.