MOHOHUTUBA 10:11 - Alkitab Singog In Mongondow Masa In Tanaa

¹¹ Aka uḷag monobak kon dodai in diápa iyonok in totaau, dá intau inta moyoyonok kon uḷag in diá bidon in mangaḻenea.

MOHOHUTUBA 10:11 Referans Kwoze

YEREMIA 8:17

“Tondudutka!” guman i Tuhan. “Tanaa Akuoi in nopotabádon in uḷag mita namangoi kon yua-yuakmu sin monobak kon i monimu, uḷag mobisa inta diábí kotugatan in totaau.”

YAKOBUS 3:6

Dilá tua in naonda bo tuḷu. Kon awak naton, sia in mobaḻí pangkoi in moraat inta mopobaya-bayá mako in moraat kon bayongan in awak naton. Takin tuḷu inta nongkon naraka, sia in momokak kon bayongan kobiagan naton.

AMSAL 18:21

Dilá naa in oyúonbí in kawasanea moposaḷamat kon kobiagan andeka momoguyaat; intau in mustibí mobaba kon bungai in tosingogonnea.

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

MAZMUR 52:2

kon tungkuḷ in ki Doëg, intau in Edom, namangoi nopotaau kon i Saul kon ki Daud in noiyaputdon in baḷoi i Abimelek.

YAKOBUS 3:8

Táe dilá in intau in diá koyonokan. Dilá tua in moraat bo diábí kokawasaan; nopuḻing in rasum inta mokopatoi.

MOHOHUTUBA 10:10

Aka pitowmu mobangkungdon bo diá dilúonmu, yo musti in iko mogaid takin rumoriga totok. Paké in akaḷmu inta mosehat, bo muna pogaid kon tomayá.

MAZMUR 58:6

inta diá mokodongog kon singog in pawang inta mopandoi, andeka singog in mososingog kon totaau inta motoḻindat.