MIKHA 4:12 - Alkitab Singog In Mongondow Masa In Tanaa

¹² Táe bangusa mita tatua in diábí nonotaau kon onu inta sinomayá i Tuhan. Diábí kinotaauan monia kon mosia tua in sinipun-Neadon sin hukumon, notongkai in gandum sinipun sin ḻintogon.

MIKHA 4:12 Referans Kwoze

YESAYA 55:8

Ki Tuhan in noguman, “Raian-Ku in deemanbí raianmu, bo daḷan-Ku in deemanbí daḷanmu.

YEREMIA 29:11

Kinotaauan-Ku bidon in tomayá-Ku mita kon i monimu! Tomayá mita tatua in deemanbí mopobodito kon i monimu, táe kobiaganmubí inta motompia bo mobogoi kon inimu in kobiagan moiduduimai inta nopuḻing in kamang.

LUKAS 3:17

Digu kokada-kadai-Neadon sin poguaban kon gandum dapot in modarit. Gandum inta nodaritdon tontaníon-Nea bo tagúon kon tampatnea, táe bayongan pangkoinea in tubáan-Nea kon bonu in tuḷu inta diá mopio-piong!”

YESAYA 21:10

Bangusaku Israel! Iko ain iyunta-yuntai bo irita-ritakan mako naonda bo batoḷ in gandum. Tanaa in potaaukudon kon inimu in habar mopia inta dinongogku nongkon i Tuhan Inta totok in mokawasa, Allah in Israel.

MAZMUR 147:19

Sia in nopotaau in koyow-Nea kon umat-Nea, atorang bo hukum-Nea kon umat inta piniḻí-Nea.

MAZMUR 147:20

Diábí intua inaidan-Nea kon bangusa mita ibanea, mosia in diábí nonotaau in hukum-Nea mita. Dayowdon in ki Tuhan!

YESAYA 10:7

Táe datu in Asyur oyúon in tomayánea tontaní. Sia in moniat momaké in aid motogat bo moyopú kon mobayong in bangusa.

YESAYA 29:7

Bo bayongan in tontara ango-angoi inta nonubu kon Yerusalem, kotá in mezbah i Allah, bayongan inta mongopung bo inta monubu kon kotá tatua, mobuḻibí naonda bo togoindop kon dodai in doḷom.

YEREMIA 51:20

Ki Tuhan in noguman, “Babel, iko in nádon onda bo bobibil, pakakat-Ku pakéon moparang. Iko in pakéon-Ku sin pobibil kon bangusa mita bo dodatuan mita.

YOËL 3:2

Bayongan in bangusa in sipunon-Ku bo diaan-Ku kon Ḷopá Pohohakiman. Bo sisigan-Ku in mosia kon tua popisí in aid monia moraat kon umat-Ku sin mosia in nosila-silaidon mako kon butá in Israel bo umat-Ku in iḷumbú monia kon butá mita in intau ibanea.

YEREMIA 51:33

Diádon moonggot taḷowon in mosia bo ritakan in musung naonda bo gandum kon tampat poḷoḻidokan. Akuoi, ki Tuhan Inta Totok in mokawasa, Allah in Israel, ain nosingog.”