MIKHA 2:3 - Alkitab Singog In Mongondow Masa In Tanaa

³ Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.

MIKHA 2:3 Referans Kwoze

AMOS 5:13

Popisí in aidmu tatua, dá intau mita inta mobijaksana mokorasa kon mopia-piabí kon kibio-biómai kon sempo inta moraat ná tatua.

YEREMIA 8:3

Dá intau mita inta nobiagpa nongkon bangusa inta moraat tanaa inta ain pinorarit-Ku kon bayongan tampat in moibo-ibogdon matoi dika in mobiag. Akuoi, ki Tuhan Inta Totok in mokawasa, ain nosingog.”

YEREMIA 18:11

Ki Tuhan in noguman kon inakó, “Tanaa, pogumandon kon intau mita in Yohuda bo intau in Yerusalem kon Akuoi in koyogotdon in momia kon tomayá moḷawang kon i monia, bo moposadia in hukuman kon i monia. Potabádon in mosia monaḷámai kon kobobiag inta binaradosa tatua poḷat monompia kon dodia bo gogutú monia.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

OMBAḶ 5:5

Naonda bo bobiagon, kami in pinakisa mogaid kon oaidan mobogat, moḷopí in kami, táe diá ogoi mogogai.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

EPESUS 5:16

Pakédon kopia in kasampatan inta oyúon kon i monimu, sin masa in tanaa in masa bidon inta moraat.

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

OMBAḶ 1:14

Ginamá-Nea in bayongan in dosaku, bo binogotnea sinobatú, bo pinopoboboḷnea kon sigogowku, dá kobogatnea in nokoḷungkoyó kon inakó. Akuoi in inogoi i Tuhan kon saturuku; diá mokopongonu in akuoi kon i monia tua.

YEREMIA 43:2

Bo ki Azarya ki adí i Hosaya bo ki Yohanan ki adí Kareah takin bayongan in intau inta mododia tua in noguman kon inakó, “Mouboḷ in iko. Ki Tuhan Allah naton in diábí nopotabá kon inimu moḷamboi kon inami in mayá mogutun kon Mesir.

YEREMIA 36:23

Naonda in ki Yehudi nopaḷut nobaca kon degá toḷu andeka opat nobares, ki datu nomongkó in tosilad kon tonsilai tatua bo pinogambatnea kon bonu in tuḷú. Natuata in inaidannea nodapot in bayongan ḻitodan buk tatua nodait sinubá.

YEREMIA 27:12

Kon i Zedekia datu in Yohuda, akuoi, ki Yeremia, nopotaau in natua doman. Akuoi in moguman, “Tungkudon kon i datu in Babel. Kotoḷutui kon inia bo kon bangusanea, sinbá mosaḷamat in ki Tuang Datu.

YESAYA 5:19

Gumanmu, “Pomayádon ki Tuhan Allah in Israel in ḷagidon mogaid kon onu in koibog-Nea! Pomayádon mako Sia in mogaid kon tomayá-Nea, sinbá ontongon naton bo monotaau.”

YESAYA 3:16

Ki Tuhan in noguman, “Moḷoḷatú totok in bobay mita in Yerusalem! Mosoing in mosia, moibog monilok bo mododia in bobayá monia. Ḷampangnea in ai-aidan, bo toninsing in singog in galang mita in sioḷnea.

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.

AMOS 3:1

Indongogaidon in koyow i Tuhan tanaa, ei bangusa in Israel inta ain dinia i Tuhan iḻumuai nongkon Mesir! Ki Tuhan in noguman,

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”

YESAYA 29:20

Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa,