MIKHA 2:13 - Alkitab Singog In Mongondow Masa In Tanaa

¹³ Bukáan-Kubí in daḷan bo modia kon i monimu ḷumuai nongkon pinoḷumbúan. Moiko in mondangatbí kon bonawang mita bo mayá takin diá in ḷambo-ḷamboinea. Akuoi, ki Tuhan tontaní, in Datumu, bo Akuoi in modia kon i monimu ḷumuai.”

MIKHA 2:13 Referans Kwoze

YESAYA 52:12

Moiko in diábí ḻimika-ḻikat in mayá, bo diábí ná intau inta moḷagui. Sin ki Tuhan in modiabí kon i monimu: ki Allah in Israel in mogoḻiungbí kon i monimu nongkon bayongan tampat.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”

IBRANI 6:20

Ain binontangan i Yesus in daḷan bayáan naton tatua, Sia in sinumuotdon kon tua bo nobaḻí Imang naton Imang Moḷoben inta diádon mato-matoi ná ki Imang Melkisedek.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

YESAYA 55:4

Totuubí, sia in baḻíon-Ku itoi bo umpung pongayow, sakusi in kawasa-Ku kon bangusa mita.

YESAYA 42:7

Sin mobuká kon mata in intau bilog, bo mopoḷuat kon intau nongkon sindip in ponjara.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

MIKHA 2:12

Ki Tuhan in noguman bui, “Ei umat in Israel inta ki agatneapa! Moiko in notantúbí kon sipunon-Ku bo tobatúon naonda bo domba inta mobui mangoi kon ḷantungnea. Naonda bo rawang in bonok inta nopuḻing in domba, natua doman in butámu in mopuḻingdon bui in intau mobayong.

MIKHA 3:1

Indongogaidon, ei mongongawasa mita in Israel! Sabanarnea in bá kotaauanbí monimu onu inta moadil,

IḶUAIAN 14:19

Bo malaekat i Allah, inta kon muna in intau mita Israel, minayádon kon dotá in tumi monia. Bo oigi goḷom nomamping domandon nodapot

YOSUA 3:6

Bo ki Yosua nomarenta kon imang mita mobuat kon Poti Dodandian tatua bo minayá inumuna kon umat in Israel. Bo inaidandon monia onu inta pinoguman i Yosua.

HOSEA 2:2

Ki Tuhan in noguman, “Ei adí-Ku mita, ki inámu in deeman bidon ki buḷoi-Ku, bo Akuoi in deemanbí ki buḷoinea. Tuamai, pelekaradon in sia sinbá sia in dika monuaḻing bo dikadon sumundaḷ bui.

MIKHA 4:7

Mosia in pinotungkudon bo noyayúdon nongkon ḻipúnea tontaní. Táe, nongkon intau mita inta kiagatnea tatua baḻíon-Kudon in buí inta mobagu. Mosia in mobaḻídon bangusa inta moḷoben bo moropot. Akuoi in momarentabí kon i monia kon Tombuḷud in Sion modapot in mononoi.”