MIKHA 1:14 - Alkitab Singog In Mongondow Masa In Tanaa

¹⁴ Tanaa, ei intau in Yohuda moiko in kobuḻiandon in kotá in Moresyet-Gat. Datu mita in Israel diá bidon mokouḻí kon totuḷung bui nongkon kotá in Akhzib.

MIKHA 1:14 Referans Kwoze

DATU MITA 2 16:8

Ki Ahas in nogamá doman kon buḷawan bo saḷaka nongkon Baḷoi Tuhan, takin kapunyaan in komaḻig, bo pinoki dia nobaḻí tombuinag kon i datu in Asyur tatua.

YEREMIA 15:18

Nongonu sin akuoi in umuranbí mororiga? Nongonu sin kekebku in nodaḷombí bo diá mopopia? Degá makusud-Mu moponakit in ginaku naonda bo ongkag inta noingkagdon kon sempo in poninggai?”

YESAYA 30:6

Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia.

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.