MAZMUR 99:6 - Alkitab Singog In Mongondow Masa In Tanaa

⁶ Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

MAZMUR 99:6 Referans Kwoze

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

IḶUAIAN 15:25

Ki Musa nosambayangdon kon i Tuhan, bo ki Tuhan nopoontongdon in kayu toputoḷ kon inia. Kayu tatua pinogambat i Musa kon bonu in tubig tatua, bo tubig tatua in nobaḻídon nopira in nanamnea, dá motaaudon inumon. Kon tampat tatua ki Tuhan nobogoi in atorang mita kon i monia, bo kon tua doman Sia nonungkuḷ kon i monia.

IḶUAIAN 14:15

Guman i Tuhan kon i Musa, “Nongonu sin iko in mokuanibí mokituḷung? Potabádon intau Israel mongingguput kon bobayáan monia!

IḶUAIAN 32:30

Nopoikoḷomai kon singgai ki Musa noguman kon bangusa tatua, “Moiko ain nogaid kon dosa moḷoben. Táe tanaa akuoi in motakod bui kon buḷud tatua sin mayá tumayow kon i Tuhan; igumon mako akuoi mokouḻí kon totabi bo ampungandon in taḷá monimu.”

IḶUAIAN 17:4

Dá nokuanidon ki Musa kon i Tuhan, kainia, “Onu degá in aidanku kon intau mita tanaa? Indoiaika, mosia monintangoidon mogarab in batu kon inakó.”