MAZMUR 99:5 - Alkitab Singog In Mongondow Masa In Tanaa

⁵ Poḷantudon in ki Tuhan Allah naton, dokódon kon tayowon in pomomarentaan-Nea. Mokudusbí in Sia!

MAZMUR 99:5 Referans Kwoze

MAZMUR 132:7

Igai mayá in kita kon tampat pogogutunan i Tuhan, bo mosumba kon i-Nia kon tayowon in pomomarentaan-Nea.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

MAZMUR 108:5

Sin tabi-Mu in moḷoben modapot kon ḷangit bo kososatia-Mu in modapot kon goḷom mita.

MAZMUR 34:3

Akuoi in moibog yumunggagá sin oaidan i Tuhan; igumon mako kodongogan in intau inta dinorot bo moḷunganga in ginanea.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YESAYA 12:4

Moiangoibí in wakutunea moiko in moguman, “Posukurdon kon i Tuhan, bo sumbadon in Sia. Potaaudon kon bangusa mita koagungan bo bayongan in inta inaidan-Nea.

MAZMUR 99:3

Biódon mako in mosia modayow kon tangoi-Nea inta moḷoben bo momulia. Mokudusbí in Sia!

MAZMUR 118:28

Iko in ki Allahku, akuoi in mopoyaput in sukur kon ini-Mu. Allahku, akuoi in mopoḷantud kon ini-Mu.

MAZMUR 107:32

Mosia in nopoḷantud kon komomulia in Tuhan kon yuak in umat-Nea, bo nodayow kon i-Nia kon bonu in pinoyodungkuḷan in guhanga mita.

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

MAZMUR 21:13

Popopiot-Neabí in mata in piot-Nea, dá momurow in mosia bo moḷagui.

IMAMAT 19:2

mopotaau kon bangusa Israel in parenta tanaa, “Moiko in musti motusi, sin Akuoi ki Tuhan Allahmu in motusi.

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.

HOSEA 11:7

bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”