MAZMUR 95:4 - Alkitab Singog In Mongondow Masa In Tanaa

⁴ Sia in nongawasa nodapot kon bayongan in inta moonag kon butá, nodapot in tudu mita in buḷud Siabí in kitogi.

MAZMUR 95:4 Referans Kwoze

MAZMUR 135:6

Sia in nogaid kon onu in kinoibog-Nea, kon ḷangit bo kon butá, kon dagat bo kon baḷangon inta modaḷom.

HABAKUK 3:10

Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

HABAKUK 3:6

Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

AYUB 9:5

Ki Allah in momamping kon buḷud takin diábí kotaa-taauanmai in intau, bo mopokaḻintuang pongin torú bo rogi.

NAHUM 1:5

Buḷud mita mourot in kon tayowon-Nea; bo tombuḷudpa in notatomdon komintan. Aka ki Tuhan mamangoi, butá in moḷundan, dunia bo bayongan inta nogutun kon bonunea in mourot.

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

MAZMUR 97:5

Buḷud mita in iḷumoḷayat naonda bo lilin kon tayowon i Tuhan, kon tayowon i Tuhan, mongongawasa in sinangkub in butá.

MAZMUR 65:6

Iko in notubag kon inami pinongin nopountung kon inami, inaidan-Mu in soaḷ mita inta mokoherang sin moposaḷamat kon inami! Ikobí in pinongamangan in bayongan in bangusa nodapot in dagat inta moyayú.

AYUB 11:10

Aka domokon-Nea bo diaan in iko kon mahkama-Nea, yo ki ine in mokobaḻí moḷamboi kon aid-Nea?

MAZMUR 21:2

O Tuhan, moḷunganga in gina i datu sin iniropotan-Mudon in sia; mopia in ginanea popisí in kinountungan inta inogoi-Mu kon inia!

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.