MAZMUR 94:16 - Alkitab Singog In Mongondow Masa In Tanaa

¹⁶ Ki ine in moduḷu kon inakó nongkon intau inta diá mopirisaya? Ki ine in dumotá kon inakó monayow kon intau inta nogaid kon inta moraat?

MAZMUR 94:16 Referans Kwoze

HAKIM MITA 5:23

“Kutukdon in Meros, bo intau inta nogutun kon tua,” guman in malaekat i Tuhan “sin mosia in diá namangoi notuḷung nobaḻí pahlawan inta nogaid kon onu in pinoki aid i Tuhan.”

YOHANES 3 1:8

Sin tuamai, kita intau mita in Keresten in musti motuḷung kon yobayat mita tumpaḷa Keresten inta ná tatua, sinbá kita moitakindon moramuji mopohabar in totundú inta noitutui nongkon i Allah.

MATIUS 12:30

Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YESAYA 63:5

Akuoi in notayak táe diá in notuḷung, Akuoi in noherang sin diá in nobantung. Bo ropot-Ku tontaní in notuḷung kon i-Nakó, Torú-Ku in nobantung kon i-Nakó.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.

MAZMUR 59:2

O Allah, posaḷamatdon in akuoi nongkon musungku mita, oḻingoiaidon in akuoi nongkon intau inta monubu kon inakó.

MAZMUR 17:13

Sindogdon kaasí o Tuhan, tayowaidon in musungku bo upetdon in mosia. Posaḷamatdon in akuoi in kedang-Mu nongkon ponubuan in intau moraat.

NEHEMIA 5:7

bo nonantúdon kon oyúon in aidanku. Bo sinoboḷowku in guyanga mita in ḻipú bo itoi mita in rayat. Gumanku, “Moiko in mondorotbí kon i utatmu mita tontaní!” Onda intua nomia in akuoi kon bakid noyotakin sin momaḷut kon soaḷ tatua,

DATU MITA 2 10:15

Ki Yehu in nongingguputdon kon bobayáannea. Kon yuak in daḷan, sinontomu in sia i Yonadab ki adí i Rekhab. Ki Yehu in nobogoi in nohoromat kon inia bo noguman, “Notongkaibí degá in gina naton? Moibog degá in iko motongod kon inakó?” “Oo,” tubag i Yonadab. “Aka natua, modatipa in kita,” tubag i Yehu. Nododatian in mosia, bo sinuḷungan i Yehu in ki Yonadab sinumakoi kon keretanea,

DATU MITA 2 9:32

Iḷumangag in ki Yehu kon jandela bo noguman, “Ki ine in moibog kon inakó?” Nokodongogmai kon tua, doyowa toḷu in pogawai in komaḻig iḷumongow monag.

PINOGIAPAN 10:35

Pomuḷoi in Poti Dodandian tatua diaan, ki Musa moguman, “Sindogdon, o Tuhan, poyayitdon in musung-Mu dapot in intau mita inta doí kon inimu moḷagui.”

MAZMUR 118:6

Akuoi in diábí moondok sin ki Tuhan in kotaki-takinku, intau in diábí mokopongonu kon inakó.