MAZMUR 94:1 - Alkitab Singog In Mongondow Masa In Tanaa

¹ O Allah, Ikobí in ki Allah inta motuḻí, poontongdon in tontuḻí-Mu, o Tuhan.

MAZMUR 94:1 Referans Kwoze

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

YESAYA 59:17

Sia in mopomaké in koadilan bo kasaḷamatan nobaḻí ḷambung uatoi bo sapoyo uwaja. Sia in moḷongasi mopoguḻí kon kaadaan bo motuḻí kon aid diá moadil.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

IBRANI 10:30

Sin kinotaauan bidon naton ki ine in Sia inta noguman, “Akuoi in motuḻíbí! Akuoi in mohukumbí!” Bo inta noguman doman nanaa, “Hakimonbí i Tuhan in umat-Nea.”

YEREMIA 50:28

Intau mita inta noḷagui minayá in Yerusalem nongkon Babel nongonguman kon naonda in ki Tuhan Allah naton notuḻí kon pinogogaid in intau in Babel kon Baḷoi Tuhan.)

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

DATU MITA 2 9:7

Iko in moyopú kon motoḷuadí i Ahab ki Tuangmu. Takin natua hukumon-Ku in ki Izebel inta ain noḻimod kon nabi-Ku mita bo mogogundoi-Ku mita ibanea.

YEREMIA 51:6

Posaḷamatdon in awakmu! Poḷaguidon nongkon Babel, dika modapot in moiko moitakin koḻimodan popisí in dosanea! Sin naadon in wakutunea Akuoi motuḻí kon aid moraat in Babel, bo mohukum kon inia podudui in oaidnea.

YEREMIA 51:56

Mosia in mamangoi sin momoguyaat kon Babel, modomok kon tontaranea mita bo momutoḷ kon pakakat mita in parang monia. Akuoibí in Tuhan inta mohukum kon aid moraat, bo Babel in tuḻían-Kubí podudui in aidnea.