MAZMUR 92:2 - Alkitab Singog In Mongondow Masa In Tanaa

² Totuubí kon mopia in mopoyaput in sukur kon ini-Mu, o Tuhan, bo modayow kon ini-Mu, Allah Inta Totok in moḷantud;

MAZMUR 92:2 Referans Kwoze

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

YESAYA 63:7

Akuoi in mopohabar in tabi i Tuhan bo modayow kon i-Nia sin bayongan in aid-Nea. Binarakatan-Nea totok in umat-Nea, sin Sia in nonotabi bo tabi-Nea in diábí moobo-obot.

OUMAN IN RASUL MITA 16:25

Táe naonda in noonggotdon kon doḷom ki Paulus bo ki Silas nosambayang bo nodondong nodayow kon i Allah. Dá bayongan intau kon ponjara tua nodait nokodongog.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

MAZMUR 145:2

Pomuḷoi in singgai akuoi moibog mopoyaput in sukur kon ini-Mu, bo mopomulia kon ini-Mu modapot in mononoi.

AYUB 35:10

Táe deemanbí kon i Allah, inta nomaḻí kon inia inta nobogoi in kamang kon dodai in morobonod in gina,

MAZMUR 77:2

Noḷangon in pinokokuaniku kon i Allah; noḷangon in kuaniku, bo inindongogan-Nea in akuoi.

TAWARIKH 1 25:1

Noiduduimai kon tua, ki Datu Daud bo itoi mita in intau in Lewi in nomiḻí kon inanakan i Lewi sin mopobayá in oaidan upacara mita in ibada, noiduduimai naa in tangoi monia: ki Asap, ki Heman bo ki Yedutun. Mosia in inogoian in oaidan mopotaau in koyow nongkon i Allah takin kokuti-kuti in musik kecapi, gambus bo simbal. Bo mobaḻí itoi kon ibada bo upacaranea in kon batúannea, piniḻí in paanan mita noiduduimai naa:

MAZMUR 9:3

Moibog in akuoi mopoḷunganga bo moposanang in gina popisí in Iko bo modayow kon tangoi-Mu, Tuhan Inta Totok in moḷantud.

MAZMUR 101:1

Mazmur i Daud. Akuoi in moibog mopodondong in kososatia bo kooadil, kon ini-Mu, o Tuhan, dondong dodayowku!

MAZMUR 147:1

Dayowdon in ki Tuhan! Sin mopiabí totok in modayow kon i-Nia, bo mokosanangbí in mopodondong in dondong dodayow kon i-Nia!