MAZMUR 91:7 - Alkitab Singog In Mongondow Masa In Tanaa

⁷ Umpaka toribu in intau matoi kon símumai bo mopuḷú noribu in kon dotá in koḷananmu, táe iko tontaní in diábí tompaḻían.

MAZMUR 91:7 Referans Kwoze

MAZMUR 32:6

Tuamai in pomuḷoi in intau inta motoḷutui musti mosambayang kon tungkuḷ in koumaan in roriga, dá aka ḷunud in susa moiangoi, sia in diábí kodangatannea.

YOSUA 14:10

Tanaa in opatdon nopuḷú bo ḻima notaong pinangkoi kon ki Tuhan noguman kon tua kon i Musa. Tua in nobaḻí kon tungkuḷ in bangusa Israel kon padang gurunpa. Bo ná inta ain pinodandi i Tuhan, ki Tuhan in noḷukad domandon kon inakó nodapot in akuoi umuranpa nobiag nodapot in tanaa mako. Indoiai, akuoi in umurdon waḷu nopuḷú bo ḻima notaong in naa,

YEREMIA 39:18

Iko in diábí ḻimodon, sin Akuoi in moposaḷamatbí kon inimu. Nyawamu in mosaḷamatbí sin iko in inumandoḷ kon i-Nakó. Akuoi ki Tuhan, ain nosingog.”