MAZMUR 90:5 - Alkitab Singog In Mongondow Masa In Tanaa

⁵ Iḷomot-Mu in kami; kami naa in naonda bo togoindop, naonda bo bonok inta nonokat;

MAZMUR 90:5 Referans Kwoze

YESAYA 40:6

Oyúon in singog in noguman, “Popotaaudon!” Akuoi in noḻibó, “Onu in musti potaauku?” “Potaaudon kon intau tua in naonda bo bonok, naonda bo bungang inta tongá motoyong in kogaganea.

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

MAZMUR 73:20

Naonda bo togoindop inta noinggamá kon tungkuḷ in doḷo-doḷom; kon dodai in Iko sinimindog, o Tuhan, yo noinggamádon in mosia.

AYUB 22:16

Mosia in irabut kon dodai in deemanpa wakutunea matoi, bo iniḻig in ḷunud inta namuntag.

AYUB 20:8

Sia in mobuḻi naonda bo oḻinow in togoindop, moinggamá naonda bo oontongon kon dodai in doḷom.

AYUB 9:26

Naonda bo uangga moḻikat, kobiaganku moitaḻib moḻikat totok, ná koḻikat in ḷagapan boniá monampí, modomok kon kokaanonnea.

AYUB 4:20

Mahaḷuk tatua in mobiag doḷo-doḷom, bo matoi moisimayat mako kon dodai in ḷoḷabungnea, bo diá bidon in sia toro-toropon bui.

YESAYA 38:12

Nyawaku nobontow, nodapotdon in wakutuku, ná ḷoḷaigan in gombala inta kinokai; ná didit pinongkó nongkon pakakat gogaboḷan; kon inakó kamai simpodandon i Allah in kobiaganku.

YESAYA 38:13

Kino ouput in doḷom momaḷú in akuoi mogigon kon monakit, tuḷanku naonda bo butukon in singa tobatú; kon inakó kamai ki Allah monimpodon kon kobiaganku.

YESAYA 40:7

Bonok in moingkag bo bungang in moḷaḷow, aka ki Tuhan mopoirup in tompot inta mopatú. Totuubí kon bangusa tatua in naonda bo bonok.