MAZMUR 90:4 - Alkitab Singog In Mongondow Masa In Tanaa

⁴ Kon ini-Mu toribu notaong in naonda bo tosinggai, singgai koḷabung inta ain noitaḻib; naonda bo tongooras kon poyoḻimbanan moḷukad kon dodai in doḷom.

MAZMUR 90:4 Referans Kwoze

PETRUS 2 3:8

Táe utatku mita, dika koḻiongan monimu in soaḷ tobatú tanaa, “Aka kon tayowon i Tuhan, tosinggai notongkaibí in toribu notaong, bo toribu notaong ná doman onda bo tongá tosinggai, diábí in yoposinea kon tua.”

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

MATIUS 24:43

Tongá bá kotaauan monimu in nanaa: Aka kitogi baḷoi bo mokotaau kon toonu in mononakow mamangoi, tantú moḷukadbí in sia, sin diábí pomayánea mako in baḷoinea tua in bongkaron.

LUKAS 12:38

Bo momujur domandon in bobantung mita inta kinotambakanmai i tuangnea umuranpa mogoḷat mako umpaka sia mamangoi moonggotdon kon doḷom andeka modiugdon mobayag!

MATIUS 14:25

Degá jam intoḷuneadon modiug mobayag namangoidon in ki Yesus kon i monia takin minaya-mayá kon tudu in tubig.

IḶUAIAN 14:24

Naonda in modiugdon mobayag, ki Tuhan inta kon bonu in oigi tuḷú bo goḷom tatua inimindoi kon tontara mita in intau Mesir, bo pinotombauk-Nea in mosia tua.

HAKIM MITA 7:19

Naonda in nopangádon kon doḷom, ki Gideon bo intaunea mita nodapotdon kon posigadan pinononḷoḷaigan in musung. Kon dodai intua intau inta noḷukad kon pinononḷoḷaigan tatua, bagu noyoḷuan kon poḷukadan. Bo ki Gideon takin intaunea nogirup kon torompet bo noḷosi kon kendi mita monia.