MAZMUR 90:12 - Alkitab Singog In Mongondow Masa In Tanaa

¹² Degá kinotaauandon nami in kinototoyong in kobiagan naa sinbá kami in mobaḻí intau inta mobijaksana.

MAZMUR 90:12 Referans Kwoze

MAZMUR 39:4

moḻia-ḻiawdon totok in ginaku. Aka umuran raion, dá modugang mosusa in ginaku; imbuitnea nogumandon in akuoi,

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

AMSAL 4:7

Inta totok in moponting bo inta musti muna-munamai aidanmu, tuata in moḷongasi mobaḻí mobijaksana. Onuka in tayakonmu, inta totokanea in moḷongasibí sinbá mokouḻí kon pomomangaḻe.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

AMSAL 23:12

Tondudutbí in totundú in gurumu bo pobalajar totok.

AMSAL 22:17

Indongogai, akuoi in motundúbí kon inimu in tonggina in intau moarip! Tondudutbí in topotundúku.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

AMSAL 4:5

Pokopobijaksana bo pokopopandoi! Umuran torop in tongginaku mita bo dikabí ḷumbúon intua.”

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

MOHOHUTUBA 7:2

Maníka bo mayá in pinatoian bo dika in mayá in rame. Sin kita in mustibí tantú monanob kon popatoi in mogoḷatbí mako kon batúan in intau.