MAZMUR 90:11 - Alkitab Singog In Mongondow Masa In Tanaa

¹¹ Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

MAZMUR 90:11 Referans Kwoze

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

IMAMAT 26:24

dá bouton-Kudon in moiko bo hukumon-Ku in moiko inta kobogat in hukuman tatua kopitu ná inta ain pinopoaid-Ku muna.

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

ULANGAN 28:59

Ki Tuhan in mopoangoi kon i monimu bo kon buímu in takit mita inta diá koundaman bo bodito mita inta diá motaau potogonon.

IMAMAT 26:21

Aka moiko umuranpa doman monoḻikud kon i-Nakó bo doí mokopotoindudui kon i-Nakó, dá hukumanmu in dugangan-Ku bui inta kobogatnea kopitu ná tatua.

IMAMAT 26:18

Aka naonda in mokouḻí mako kon hukuman tatua bo diápa doman in moiko mokopotoindudui kon i-Nakó, yo hukuman kon i monimu dugangan-Ku in kobogatnea kopitu nongkon tua.

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.