MAZMUR 9:16 - Alkitab Singog In Mongondow Masa In Tanaa

¹⁶ Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

MAZMUR 9:16 Referans Kwoze

IḶUAIAN 7:5

Dá intau in Mesir monotaaudon kon Akuoi naa in Tuhan, kon dodai in Akuoi mohukum kon i monia bo modia kon Israel ḷumuai nongkon butá monia”.

YESAYA 8:15

Mobayong in intau in moḷabú moipintud bo tompaḻían. Mosia in moibonubí kon bonu in poyogaḷap.”

AMSAL 12:13

Intau moraat in koakaḷan in tosingogon mita moraat inta siningognea; intau mopia kotaḻiban in roriga.

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

AMSAL 6:2

Bo degá iko in noitogotdon kon onu in siningogmu bo noibaaḷdon kon dandimu tontaní.

MAZMUR 48:11

Tangoi-Mu kinotaauandon totok bo dinayow kon sinangkub in butá, Iko in nomarenta nokopoadil.

MAZMUR 19:14

Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

MAZMUR 5:1

Kon itoi in mododondong. Takin itog in bansí. Mazmur i Daud.

DATU MITA 2 19:19

O Tuhan, Allah nami, poḷuatdon in kami nongkon intau mita in Asyur tatua, sinbá bayongan in intau kon dunia in monotaaudon kon tongábí Iko tontaní in Allah.”

SAMUEL 1 17:46

Singgai domandon naa posarakandon i Tuhan kon inakó in iko; taḷowonkubí in iko bo uḷumu in pongkóonkudon. Awakmu bo awak in tontara mita in intau Pilistin in pokaankudon kon ḷagapan bo mahaḷuk mita. Dá bayongan in intau kon dunia naa in monotaaudon kon kami bangusa Israel in oyúonbí in Allah inta sinumba nami,

IḶUAIAN 14:31

Kon tungkuḷ in intau Israel nokoontong kon naonda in ki Tuhan inta takin kawasa-Nea inta moḷoben nonaḷow kon intau in mesir, totok noherang in mosia dá nopirisayadon kon i-Nia bo kon i Musa, ata-Nea tatua.

IḶUAIAN 14:10

Naonda intau Israel nokoontong kon ki datu in Mesir bo tontaranea mita nopoangoidon, mosia in totokdon inangoian ondok bo nokuanidon kon i Tuhan sin mokituḷung.

YESAYA 28:13

Tuamai in ki Tuhan notundú kon i monimu pinangkoi kon hurup mita, tosingogon bo onu in singogon. Bo kon tungkuḷ in minayá moiko noḷabú noiboḻingkayang nodapot in kinekeban, noibaaḷ bo kinodomokan.

MAZMUR 140:9

Dikabí duduian in ibog in intau moraat, o Tuhan, dikabí pomayá mako in tomayá monia tua motuoi.

MAZMUR 92:3

Mopotaa-taau mako in tabi-Mu kon dodai in doḷo-doḷom, bo kososatia-Mu kon dodai in doḷom,

AYUB 18:9

Singkodnea in noibaaḷ kon ḻikot, dá kinodomokandon in sia.

MAZMUR 7:16

Sia in mongaḻi kon bubú koḷabúan in intau ibanea, táe siabí tontaní in moibonu kon tua.

DANIEL 6:25

Onda intua ki datu nomarenta kon intau sinbá modomok kon intau mita inta ain nopongadu kon i Daniel. Bo mosia takin ki adí mita bo ki buḷoi mita monia pinogonag kon bonu in angob in singa tatua. Diápa nodapot in mosia kon apad in angob tatua, singa mita tatua ain nodomok kon i monia poḷat nomutuk kon tuḷan mita monia.