MAZMUR 89:9 - Alkitab Singog In Mongondow Masa In Tanaa

⁹ Tuhan, Allah Inta Totok in mokawasa, ki ine in ná koropot-Mu? Tuhan, Iko in mosatia kon bayongan in yagi-yagi.

MAZMUR 89:9 Referans Kwoze

MAZMUR 65:7

Pinongin ropot-Mu pinosindog-Mu in buḷud mita, sin mopoontong in kawasa-Mu inta motorindog.

MARKUS 4:41

Mosia noondok bo dongkadon nosiḻibóan, “Eta ki inebí in intau tanaa, nodapot in tompot bo bokoḷ in dumuduibí doman kon singog-Nea.”

MARKUS 4:39

Dá nobangondon in ki Yesus bo nongguak kon tompot tatua poḷat noguman kon danow tatua, “Kibio-biómaidon, kooyongdon!” Dá tompot nogogaidon, bo danow noḷonongdon totok.

MAZMUR 29:10

Ki Tuhan in nongawasa kon ḷunud moḷoben, Sia in nongawasa saḷaku Datu modapot in mononoi.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

MATIUS 14:32

Onda intua sinumakoidon in taya dua kon uangga bo tompot nogogaidon.

MAZMUR 113:5

Ki ine in ná ki Tuhan Allah naton? Sia in nomarenta kon tampat moḷantud.

YESAYA 11:5

Sia in mogaid pongin moadil bo motoindudui kon bayongan yagi-yagi.

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.