MAZMUR 89:52 - Alkitab Singog In Mongondow Masa In Tanaa

⁵² Musung-Mu mita in noningkuḻe kon datu inta piniḻí-Mu, o Tuhan, norebeg kon inia kon ondakabí in bayáannea.

MAZMUR 89:52 Referans Kwoze

MAZMUR 41:13

Iko in motuḷung kon inakó popisí in ginaku motuḻid, bo binaḻí-Mu in akuoi nobiag moyotakin-Mu modapot in mononoi.

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

MAZMUR 106:48

Dayowdon in ki Tuhan, ki Allah in Israel, tanaa mako dapot in mononoi. Biódon mako bayongan in intau moguman, “Amin!” Dayowdon in ki Tuhan!

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

MAZMUR 31:12

Akuoi in tososingkuḻe in bayongan in musungku, nodapot in kon topodiugkumai. Bayongan in intau inta nogogintaauanku moitaḻikokog aka mokoontong kon inakó, moḷagui in mosia aka moyodungkuḷku kon daḷan.

MAZMUR 69:8

Sin popisíbí in Iko dá siningkuḻe in akuoi, popisí in Iko akuoi in irebeg.

MAZMUR 79:12

O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.