MAZMUR 89:5 - Alkitab Singog In Mongondow Masa In Tanaa

⁵ ‘Ḷoḻitúan pomomarentaanmu in ḷukadan-Ku modapot in mononoi, modapot in ki adí bo ki ompumu in ḻimitú kon tua.’ ”

MAZMUR 89:5 Referans Kwoze

MAZMUR 97:6

Ḷangit in mopotaau in kooadil-Nea, bo bayongan in bangusa nokoontong kon kamuliaan-Nea.

MAZMUR 19:1

Kon i itoi in mododondong. Mazmur i Daud.

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

MAZMUR 50:6

Ḷangit in mopotaau kon ki Allah in monisig kon umat-Nea, bo Siabí tontaní in hakimnea.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

EPESUS 3:10

Makusud i Allah tua in bá tanaa mako jamaat-Nea, mopotaau in bayongan yagi-yagi soaḷ kabijaksanaan i Allah kon pomarenta mita bo kon bayongan inta nongawasa kon soroga.

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

AYUB 5:1

Pomaḷúdon, ei Ayub, oyúon degá in motubag? Malaekat táonda in pokituḷunganmu?

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

TAWARIKH 1 17:11

Kon singgai moiduduimai, aka modapotdon in wakutumu matoi bo ḷobongon in iko kon poḷoḷobongan in mogoguyangmu, adímu ḷoḷaki tobatú in baḻíon-Kudon datu. Siadon in moposindog in baḷoi kon i-Nakó. Dodatuan nea in irigonan, bo kon kinoouput in dunia naa tobatú nongkon buínea in momarenta mobaḻí datu.

MAZMUR 61:8

Igumon mako momarenta in sia modapot in mononoi saḷaku datu inta piniḻí-Mu, o Allah, Oḻiungaidon in sia in tabi bo kososatia-Mu.

MAZMUR 89:30

Ḷoḻitúannea in umuran-Kubí ḷukadan kon bonu in ḷangit tantúpa kon ḻimonik in butá, modapot in adí bo ompunea in mongawasa kon tua.

MAZMUR 89:37

Ḷoḻitúannea in umuranbí oyúon kon bonu in oyúonpa in mata in singgai, modapot in adí bo ompu in mongawasa kon tua.

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.