MAZMUR 89:38 - Alkitab Singog In Mongondow Masa In Tanaa

³⁸ Dodatuannea in umuranbí oyúon naonda bo buḷan, sakusi mosatia in kon goḷom mita.”

MAZMUR 89:38 Referans Kwoze

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

ULANGAN 32:19

Nokoontong kon tua, ki Tuhan sinumorú, bo nondoídon kon i adí-Nea mita.

MAZMUR 106:40

Bo sinumagab in torú i Allah kon i monia, Doídon in Sia kon kapunyaan-Nea tontaní.

MAZMUR 89:51

Toropdon kaasí o Tuhan, naonda in pinongongempeng kon mogogundoi-Mu naa, akuoi in nobaba kon singkuḻe in nobayong in bangusa.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

HOSEA 9:17

Ki Allah inta inundoiku tua in mondoídon kon umat-Nea, popisí in mosia doídon mokidongog kon i-Nia. Mosia in maya-mayá mako kon sigad in bangusa mita.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

OMBAḶ 2:7

Ki Tuhan in doídon in mezbah-Nea inta motusi, bo nonaḷámaidon kon Baḷoi-Nea tontaní; pinomayá-Neadon mako in musung nogumpag kon dindingnea mita. Kon tampat pinoibadaan bo pinoramean naton koḻipod, musung in monggoḷokap popisí in nountung.

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

MAZMUR 84:9

Indongogaipa kaasí in sambayangku, o Tuhan Allah Inta Totok in mokawasa, indongogaipa, o Allah Yakub.

MAZMUR 78:59

Nokoontongmai kon tua, ki Allah in sinumorú totok, bo nondoídon mako natua kon i monia.

MAZMUR 77:7

Kon dodai in doḷom akuoi in moporai-raimai, bo mopoḻibo-ḻibómai kon bonu in gina,

MAZMUR 60:10

Táe Moab in pomomataan-Ku kon sioḷ; Akuoi in monggiow kon kinountungan kon Pilistea. Edom in pinopogambatan-Ku in aip in sioḷ-Ku nobaḻí tomponuot kon sia in Akuoi in kitogi.”

MAZMUR 60:1

Kon i itoi in mododondong. Podudui in dondong: Bungang bakung kosakusian. Mazmur topotundú nongkon i Daud,

SAMUEL 2 15:26

Táe aka doídon in ki Tuhan kon inakó, dá taaudon kon i-Nia onu in popoaid-Nea kon inakó!”

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.