MAZMUR 89:34 - Alkitab Singog In Mongondow Masa In Tanaa

³⁴ Táe Akuoi in umuranbí motabi kon i Daud, bo diábí monaḷámai kon kososatia-Ku.

MAZMUR 89:34 Referans Kwoze

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MALEAKHI 3:6

“Akuoibí in ki Tuhan, bo Akuoi in diábí mobaḷui. Tuamai in moiko buí i Yakub, diá iyopú.

SURAT I PAULUS KON JAMAAT RUM 11:29

Sin aka ki Allah momiḻí kon intau bo mobogoi in barakat kon intau tatua, yo diábí kon dodai in onda in Sia mogamá bui kon onu inta ain pinomia-Nea.

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

IMAMAT 26:44

Táe umpaka in mosia kon butápa in musung monia, mosia in diábí taḷaan-Ku ande yompaton-Ku komintan. Sin aka mosia yompaton-Ku, yo mangaḻenea kon tua Akuoidon tontaní in nomontow kon dodandian-Ku takin i monia, bokaka Akuoi naa in ki Tuhan Allah monia.

YEREMIA 33:20

“Akuoi in nomiadon kon dodandian takin in singgai bo doḷom, sinbá singgai bo doḷom umuran mamangoi kon wakutunea; dodandian tatua diábí motaau inggamáan.

SAMUEL 2 7:15

Táe tabi-Ku kon inia in diábí moinggamá podudui in dandi-Ku. Dandi-Ku kon inia in umuran-Kubí kadaian, diábí ná inta ain pinomia-Ku kon i Saul inta ain inindoí-Ku nongkon ḷoḻitúannea sinbá iko in motaau mobaḻí datu.

DATU MITA IMITÁNEA 11:39

Popisí in ki Salomo binaradosa, dá hukumon-Ku in buí i Daud, táe diábí mononoi.’ ”

TAWARIKH 1 17:13

Akuoi in mobaḻí ki Amánea bo sia in mobaḻí ki adí-Ku ḷoḷaki. Akuoi in umuranbí mopoaid in inta mopia podudui in dandi-Ku. Dandi-Ku kon inia in umuran-Kubí kadaian, diábí ná inta pinomia-Ku kon i Saul inta ain inundud-Ku nongkon ḷoḻitúannea sinbá motaau in iko baḻíon datu.