MAZMUR 89:16 - Alkitab Singog In Mongondow Masa In Tanaa

¹⁶ Pia in kamang in bangusa inta noibada takin pia in gina, inta nobiag kon bonu in sindar kinoangoian-Mu, Tuhan.

MAZMUR 89:16 Referans Kwoze

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

LUKAS 1:47

bo mopia totok in ginaku sin ki Allah in mopoposaḷamatku.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

MAZMUR 29:7

Singog i Tuhan nokopopisí kon kilat nonampí.

MAZMUR 40:10

Kon bonu in poyosipunan in umat-Mu potaauku in habar mokosanang kon Iko in noposaḷamatdon kon inami. Diá mogoga-gogai potaauku intua, kinotaauan-Mubí intua komintan, o Tuhan.

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

MAZMUR 105:3

Siabí in ki Tuhan Inta Totok in motusi; pokosanangdon sin kita Sia in kitogi, komintan inta mosumba yo igumon mako mokopoḷunganga.

MAZMUR 44:8

Táe Ikobí in noposaḷamat kon inami nongkon musung, bo nonaḷow kon intau mita inta nondoí kon inami.

MAZMUR 33:21

Mopia in gina naton popisí in Sia bo mopirisaya kon tangoi-Nea inta motusi.

MAZMUR 29:5

Singog i Tuhan nokoumpag kon pangkoi mita in kayu, nomutoḷ kon tanga in ḷokuyú in Libanon.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

IMAMAT 25:8

Iapdon in pitu bo poyokali in pitu notaong, kobayongnea opat nopuḷú bo siow notaong.

IMAMAT 25:9

Bo kon singgai impuḷúnea buḷan noginpitu, inta kon singgai potobutan kon dosa, bayongan intau kon bayongan tampat in musti mogirup kon torompet.

YESAYA 2:5

Ei, buí i Yakub, igai in kita dumudui kon bayag i Tuhan!