MAZMUR 86:13 - Alkitab Singog In Mongondow Masa In Tanaa

¹³ Sin Iko in tantúbí notabi kon inakó takin tabi moḷoben; Iko in noposaḷamatdon kon nyawaku nongkon bubú in poḷoḷobongan.

MAZMUR 86:13 Referans Kwoze

LUKAS 1:58

Bo naonda in topodiugnea mita bo ginaḷumnea mita nokodongog kon ki Tuhan ain nopoontong in totabi-Nea inta totok in moḷoben, dá nopia totok in gina monia, natua doman gina i Elisabet.

MAZMUR 56:13

Akuoi in mogintompodbí kon dandiku kon ini-Mu, o Allah, bo moposumba in kuruban sukur kon ini-Mu.

MAZMUR 116:8

Ki Tuhan in nopoḷuatdon kon inakó nongkon popatoi; iḻipoi-Nea in akuoi bo diá pinomayá-Nea mako in noḷabú.

MAZMUR 57:10

Tuhan, akuoi in moibog mopoyaput in sukur kon ini-Mu kon yua-yuak in bangusa mita. Moibog in akuoi mopodondong in dodayow kon ini-Mu kon yua-yuak in umat intau.

AYUB 33:28

Inimaḷowan i Allah in akuoi in mayá kon dunia in intau minatoi, dá nobiagpa in akuoi in tanaa.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

MAZMUR 30:3

Tuhan Allahku, akuoi in mokuani kon ini-Mu mokituḷung, bo Iko in nongundam kon inakó.

MAZMUR 16:10

Sin diábí pinomayá-Mu mako matoi in akuoi; intau inta kinotabi-Mu diábí pinomayá-Mu mako in moyopú.

MAZMUR 88:6

Akuoi in sinaḷáan kon yua-yuak in intau minatoi, naonda bo intau kinoḻimodan, noiuḻid mako kon bonu in poḷoḷobongan, naonda bo intau inta totokdon in kinoḻiongan-Mu, intau inta diádon sinuḷungan-Mu bui.

AYUB 33:24

Takin tabi in malaekat tatua in moguman, ‘Buḻiaidon in sia, diábí motaau in sia moponag kon dunia in intau minatoi. Naa in doit potobut, sinbá moiḷuatdon bui in sia.’

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

AYUB 33:18

Diábí pinomayá-Nea mako kinoantugan in inta mokobodito; inoḻingoian-Nea in mosia nongkon kopatoian.

AYUB 33:22

Sia in gogiódon mobui kon dunia mosindip dunia in intau minatoi noidiugdon kon inia.

MAZMUR 108:4

Tuhan, akuoi in moibog mopoyaput in sukur kon ini-Mu kon sigad in bangusa mita. Akuoi in moibog mopodondong in dodayow kon ini-Mu kon sigad in umat intau.

MAZMUR 30:4

Iko in nopomiḷagui kon inakó nongkon dunia in intau minatoi, bo nomiag bui kon inakó nongkon sigad in intau mita minatoi.