MAZMUR 85:4 - Alkitab Singog In Mongondow Masa In Tanaa

⁴ Mosia in diá bidon sinorúan-Mu; torú-Mu inta motoyang in ginamá-Mudon bui.

MAZMUR 85:4 Referans Kwoze

MAZMUR 80:3

kon tayowon i Epraim, i Benyamin bo i Manasye. Poontongdon in kawasa-Mu kon inami, bo angoidon moposaḷamat kon inami.

MAZMUR 80:7

Pinomayá-Mu mako in bangusa mita topodiugmai nobobayowan soaḷ butá nami musung mita nami in kinumosing takin ḷunganga in gina.

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

OMBAḶ 5:21

Oo Tuhan, diádon in kami mobui mangoi kon ini-Mu; kami in mobuibí mangoi kon ini-Mu! Popobuidon in kaadaan nami ná dungkuḷmai.

MALEAKHI 4:6

Baḻíonneabí in guyanga mita ḷoḷaki bo ki adínea mita motobatú kon gina, sinbá Akuoi in diá mamangoi sin moyompat kon butámu.”

MAZMUR 80:19

Dá diádon in kami ḻimimpat kon ini-Mu; ḷukadaidon in kobiagan nami, dá kami in modayowbí kon ini-Mu.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

DANIEL 9:16

Iko in noduḷudon kon inami in dungkuḷmai, tuamai in dikadon bui tumorú kon Yerusalem, kotá-Mu tontaní, tombuḷud-Mu inta motusi. Popisí in dosa nami bo aid moraat in mogoguyang nami, dá bayongan in intau kon diugmai nami in mopoompámai kon Yerusalem bo kon umat-Mu.

YEREMIA 31:18

Dinongog-Ku umat in Israel noguman takin robonoḷ in gina, ‘O Tuhan, kami naa in naonda bo biag inta diápa iyonok táe sinundú-Mu in kami sinbá motoindudui, bo tanaa kami in nosadiadon mobui mangoi kon ini-Mu. Dá, diádon in kami mobui, o Tuhan, Allah nami.

YOHANES 4:22

Moiko intau in Samaria mosumba kon i inta diá kinotaauan monimu, táe aka kami intau in Yahudi nosumba kon i-Nia inta kinotaauan nami, sin kasaḷamatan in namangoi nongkon intau in Yahudi.

YESAYA 10:25

Kon bonu in wakutu motoyong torú-Ku kon inimu mogogaidon, bo mosia in yopúon-Ku.

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

HOSEA 11:9

Iko in diábí hukumon-Ku kon bonu in torú-Ku; iko in diá bidon rimumudon-Ku bui. Sin Akuoi in ki Allah, deemanbí intau. Akuoi, Inta mokudus, kotaki-takinmu, bo doí bidon tumorú kon inimu.”