MAZMUR 83:5 - Alkitab Singog In Mongondow Masa In Tanaa

⁵ Guman monia, “Igai rimumudon naton in bangusa in Israel, sinbá tangoi monia in diádon toropon bui.”

MAZMUR 83:5 Referans Kwoze

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

WAHYU 19:19

Noiduduimai kon tua akuoi in nokoontong kon mahaḷuk tatua, bo datu mita kon dunia naa takin tontara mita monia, noyosipun sin moparang kon i-Nia inta sinumakoi kon kabaḷo nobudó bo tontaranea mita.

WAHYU 17:13

Mosia naa in notobatúbí kon singog bo makusud kon moposarakan in ropot bo kawasa monia kon mahaḷuk tatua.

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

TAWARIKH 2 20:11

Tanaa, nanaabí in aid in bangusa mita tatua kon inami. Moibogbí in mosia mopoguntun kon inami nongkon butá inta inogoi-Mu kon inami.

ESTER 3:6

Bo naonda in kinotaauannea kon ki Mordekhai in intau in Yahudi, nomontowdon in sia kon tosingogon kon mohukum kon i Mordekhai bo deemanbí tongá sia, táe moyopúbí kon bayongan bangusa in Yahudi kon dodatuan Persia.

MAZMUR 74:8

Mosia in moibogbí mopotungkud kon inami komintan, bo moturub komintan kon tampat pooibadaan kon butá tanaa.

MAZMUR 124:3

dá kita in iḻiom bidon ande sibiag, popisí in torú monia inta tumaga-tagabdon tua.

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.

YEHEZKIEL 25:15

Ki Tuhan Inta Totok in moḷantud in noguman, “Intau mita in Pilistin ain notuḻí kon yaat in gina takin noḻingá kon musung mita monia bo noyopú kon i monia takin sakí in gina.

MIKHA 4:11

Nobayong in bangusa in nosipundon sin monubu kon inimu, ei Yerusalem! Mosia in noguman, “Yerusalem in mustibí rimumudon! Kami in mokoontongbí kon kotá tatua in mobaḻídon apug!”