MAZMUR 81:9 - Alkitab Singog In Mongondow Masa In Tanaa

⁹ Indongogaidon in toingat-Ku, ei umat-Ku, Israel, aka kuma bo moiko moibog mokidongog kon i-Nakó!

MAZMUR 81:9 Referans Kwoze

YESAYA 43:12

Akuoi in nopotaaudon kon inimu, Akuoibí in inta moposaḷamat kon i monimu, bo deemanbí ilah ango-angoi inta kon sigad monimu; moikobí in nobaḻí sakusi-Ku mita. Bo Akuoi, Akuoi naa in Allah,

ULANGAN 32:12

natuata ki Tuhan tontaní in nodia kon umat-Nea, diábí in ilah ibanea in sinumakin kon inia.

ULANGAN 6:14

Dika mosumba kon ilah mita ibanea inta sinumba in bangusa mita ibanea inta nogutun kon diugmai monimu.

MALEAKHI 2:11

Umat in Yohuda ain iḻimimpat kon dodandian i Allah takin i monia bo nogaidon kon inta mokokoningkim kon Yerusalem bo sinangkub in butá. Mosia in nongotordon kon Baḷoi i Tuhan inta kinotabinea bo notonibuḷoi in bobay mita inta nosumba kon dewa mita in bangusa ibanea.

MAZMUR 44:20

Táe sinaḷáan-Mu in kami kon bonu in sindip; diádon mokopongonu in kami kon yua-yuak in mahaḷuk moraat.

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

MAZMUR 50:7

“Indongogaidon, ei umat-Ku, Akuoi in mosingog, Israel, Akuoi in moibog gumuman kon i monimu; Akuoi naa in ki Allah, Allahmu.

YESAYA 28:23

Indongogaipa in tosingogonku mita, tondudutka in koyowku.

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.