MAZMUR 81:2 - Alkitab Singog In Mongondow Masa In Tanaa

² Podondongdon in dondong dodayow kon i Allah, ropot naton, porogiowdon takin sanang in gina kon i Allah i Yakub.

MAZMUR 81:2 Referans Kwoze

MAZMUR 92:3

Mopotaa-taau mako in tabi-Mu kon dodai in doḷo-doḷom, bo kososatia-Mu kon dodai in doḷom,

MARKUS 14:26

Noiduduimai kon tua mosia nopodondong in tobatú dondong dodayow. Nopaḷut mako kon tua mosia minayádon in Buḷud Zaitun.

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

YAKOBUS 5:13

Aka kon sigad monimu oyúon in kinoantugan in roriga, yo musti in sia mosambayang. Aka oyúon in moḷunganga, yo musti in sia modondong modayow kon i Allah.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

EPESUS 5:19

Pakédon in singog mita inta nongkon Mazmur, dondong inta pinodayow kon i Allah bo dondong rohani, kon wakutu in moiko moyosingog. Kosanang in gina bo mopodondong in dodayow kon i Tuhan.

NEHEMIA 12:42

kon tumi monia dumuduianmai in ki Maaseya, ki Semaya, ki Eleazar, ki Uzi, ki Yohanan, ki Malkia, ki Elam bo ki Ezer. Mododondong nodondong kon bonu in tongganut i Yizrahya.

MAZMUR 59:17

Táe akuoi in mopodondong in ropot-Mu; pomuḷoi in doḷo-doḷom moḷangon in dondongku mopodondong in tabi bo kososatia-Mu. Sin Ikobí in pososingayowanku, pononiunganku kon dodai in mosusa.