MAZMUR 80:16 - Alkitab Singog In Mongondow Masa In Tanaa

¹⁶ Posaḷamatdon in umat inta naonda bo pangkoi in anggur ain pinomuḷa-Mu tontaní, bo tokat in anggur inta binaḻí-Mudon noropot.

MAZMUR 80:16 Referans Kwoze

MAZMUR 39:11

Gamádon bui in hukuman-Mu nongkon inakó, sin akuoi in gogiódon matoi in kinotugatan in sambok-Mu.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

MAZMUR 90:7

Kami in noitaḻikokog in torú-Mu, bo nodait minatoi in yaat in gina-Mu.

MAZMUR 79:5

O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?