MAZMUR 8:4 - Alkitab Singog In Mongondow Masa In Tanaa

⁴ Aka indoianku in ḷangit inta pinomia-Mu, buḷan bo tundi inta pinoukat-Mu,

MAZMUR 8:4 Referans Kwoze

MAZMUR 144:3

Tuhan onubí degá in intau naa nodapot in sinaridi-Mumai in sia? Ki ine in sia dá inindoian-Mumai in sia?

AYUB 7:17

Nongonu sin intau in mopontingbí kon ini-Mu? Nongonu sin dodianea in umuranbí taridian-Mu?

MAZMUR 146:3

Dikadon mongamang kon mongongawasa, kon intau inta diá mokoposaḷamat.

TAWARIKH 2 6:18

Táe, o Allah totuu moibog degá in Iko in mogutun kon dunia naa kon sigad in intau, umpakabí modait in ḷangit yo diábí tugatan kon ini-Mu, apa doman baḷoi ibada inta pinosindogku tanaa!

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

MAZMUR 80:17

Musung ain nomupuḷ bo noturub kon inia; biódon mako mosia in yopúon in torú-Mu.

AYUB 25:6

Apadoman intau, ki oḷuasi, ki pangkoḷá! Kon mata i Tuhan, sia in totuubí kon diá koboḻi.”

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

MAZMUR 106:4

Toropdon in akuoi, o Tuhan, podudui in kopopia-Mu kon umat-Mu, tuḷungai domandon in akuoi aka Iko moposaḷamat kon i monia.

KINOBAḺIAN 21:1

Ki Tuhan nomarakat kon i Sara, ná inta ain pinodandi-Nea.

YESAYA 40:17

Bayongan in bangusa diábí in mangaḻenea kon i-Nia, naonda bo diábí in kon tayowon-Nea.

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”

YEHEZKIEL 8:15

Ki Tuhan in noḻibó kon inakó, “Ei intau inta ilo-ilow, inontongmu intua? Nobarongpabí in moiḻiu in mokorongó.”

MAZMUR 4:2

O Allah, Ikobí in mododuḷuku; tubagaibí aka akuoi mokuani. Kon dodai in akuoi inumaan in susa; sinuḷungan-Mu in akuoi; dá tanaa kotabipa kaasí in akuoi bo indongogaipa in sambayangku.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

KINOBAḺIAN 1:1

Kon pinomangkoian, tungkuḷ in ki Allah nomangkoi nomaḻí kon dunia naa,

KINOBAḺIAN 1:14

Noiduduimai kon tua ki Allah in noguman, “Koibog-Ku oyúon in barang mita kon ḷangit inta motaau monimbayag kon dunia naa, bo mopoyotondí in singgai bo doḷom bo monantú kon pomangkoian in singgai, taong bo singgai moḷoben in agama.” Dá nobaḻí domandon in soaḷ tatua.

KINOBAḺIAN 19:35

Natuata in pinomia monia kon i Lot, pinoinum monia dapot in noḷoḷangu, bo ki adínea induanea in nosiug takinnea. Ki Lot noḷoḷangu totok dapot in diá kinotaauannea onu in nobaḻí.

MAZMUR 19:2

Ḷangit noponiata in kamuliaan i Allah, bo baḷangon mopotaau in inta inaidan-Nea.

MAZMUR 96:5

Dewa mita in bangusa ibanea in tongábí patong berhala, táe ki Tuhan in nomaḻí kon baḷangon.

MAZMUR 136:5

Pinongin kobobijaksana-Nea Sia in nomaḻí kon ḷangit; tabi-Nea in umuran mononoi.

MAZMUR 136:9

buḷan bo tundi inta mongawasa kon doḷom; tabi-Nea in umuran mononoi.