MAZMUR 79:5 - Alkitab Singog In Mongondow Masa In Tanaa

⁵ O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?

MAZMUR 79:5 Referans Kwoze

MAZMUR 89:46

Inimpoḷokan-Mu in kinotayowmobiagannea, bo sia in pinopokoḷoban in oyá.

MAZMUR 85:5

Tompiadon bui in kami, o Allah mopoposaḷamat nami, dikadon tumorú kon inami.

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

MAZMUR 80:4

O Allah, tompiadon bui in kami; bobuipa kaasí in kami takin pia in gina, dá mosaḷamat in kami.

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

MAZMUR 103:9

Sia in diábí umuran mongguak, bo diábí mononoi in torú-Nea.

ULANGAN 32:22

Torú-Ku in moborambangdon naonda bo tuḷú inta momokak modapot kon dunia in intau minatoi. Tuḷú tatua in momokak kon bayongan in butá takin tombonunea, bo buḷud mita modapot in kon uakatnea mita.

ULANGAN 32:16

Mosia in nosumba kon berhala, dá nointoi in ki Tuhan, torú-Nea nomuká popisí in aid moraat tatua.

MAZMUR 6:4

Ginaku in diádon motantúmai; modapotbí in toonu kaasí taḷaan-Mu in akuoi, o Tuhan?

MAZMUR 80:5

O Tuhan Allah Inta Totok in mokawasa, dapot in toonu Iko in tumorú, umpaka umat-Mu mosambayang?

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

OMBAḶ 5:22

Andeka degá iḷumbú-Mudon totu-totuu in kami? Diádon degá in imbuit in torú-Mu kon inami?

ZAKHARIA 1:12

Bo malaekat tatua in noguman, “Ki Tuhan Inta Totok in mokawasa, pitu nopuḷú notaong in koonggotnea Iko in sinumorú kon Yerusalem bo kotá mita kon Yohuda. Modapot in toonu degá in Iko tumorú bo diádon mongampung kon i monia?”