MAZMUR 78:72 - Alkitab Singog In Mongondow Masa In Tanaa

⁷² Ki Daud in noḷukad kon i monia takin tuḻid in gina, bo kinapitnea in mosia kinopia-pia mako.

MAZMUR 78:72 Referans Kwoze

DATU MITA IMITÁNEA 9:4

Aka iko mogundoi kon i-Nakó takin gina motuḻid bo mobanar ná ki Daud ki amámu, bo iko in motoindudui kon bayongan hukum bo parenta-Ku,

TIMOTIUS 2 2:15

Totok poramuji sinbá akuondon i Allah in iko saḷaku intau inta motaau pirisayaan-Nea mogaid kon oaidan-Nea. Poramujibí konbá diá mooyá in iko in mogaid kon oaidan tatua, táe tongádon kabaranian motundú bo mopotaau kon onu inta mobanar nongkon i Allah.

OUMAN IN RASUL MITA 13:22

Naonda in kinodoídon i Allah in sia, ki Allah nomiḻídon kon i Daud nobaḻí datu monia. Bo tanaa inta pinoguman i Allah soaḷ ki Daud, ‘Nouḻí-Kudon in ki Daud inta ki adí i Isai tobatú intau inta totok in mokosanang kon gina-Ku. Sia tua inta motoindudui kon onu in kinoibog-Ku.’

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

MAZMUR 75:2

Kami in mosumba kon ini-Mu, o Allah, kami in mopoyaput in sukur kon ini-Mu bo mopotaau in oaidan-Mu inta mokotongaw.

DATU MITA IMITÁNEA 15:5

Tua inaidan i Tuhan sin ki Daud in noposanangdon in gina-Nea. Ki Daud in diábí kon dodai onda in nonaḷámai kon parenta mita i Tuhan, koḻikudbí in soaḷ pelekara kon i Uria intau in Het tatua.

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.