MAZMUR 78:70 - Alkitab Singog In Mongondow Masa In Tanaa

⁷⁰ Sia in nomiḻí kon i Daud mogogundoi-Nea bo nogamá kon inia nongkon yua-yuak in bobiagon,

MAZMUR 78:70 Referans Kwoze

OUMAN IN RASUL MITA 13:22

Naonda in kinodoídon i Allah in sia, ki Allah nomiḻídon kon i Daud nobaḻí datu monia. Bo tanaa inta pinoguman i Allah soaḷ ki Daud, ‘Nouḻí-Kudon in ki Daud inta ki adí i Isai tobatú intau inta totok in mokosanang kon gina-Ku. Sia tua inta motoindudui kon onu in kinoibog-Ku.’

SAMUEL 2 7:8

Tuamai, Natan, potaau kon mogogundoi-Ku ki Daud, kon Akuoi, ki Tuhan Inta Totok in Mokawasa, noguman kon inia, ‘Iko in biningkat-Kudon nongkon oaidanmu moḷoḷukad kon domba kon tampatnea bo dinuí-Kudon nobaḻí datu kon umat-Ku Israel.

SAMUEL 2 6:21

Ki Daud in notubag, “Akuoi naa in notayok sin mohoromatbí kon i Tuhan, inta ain nondoí kon i amámu bo kon motoḷuadínea, bo nomiḻí kon inakó nobaḻí itoi in Israel, umat-Nea. Tuamai umuranbí in akuoi motayok sin mohoromat kon i Tuhan.

SAMUEL 2 3:18

Yo, tanaadon in kasampatan monimu. Toropdon, ki Tuhan ain nodandi kon i Daud, kon pongin i inia umat-Nea Israel posaḷamaton nongkon intau in Pilistin bo nongkon bayongan in musung ibanea mako.”

IḶUAIAN 3:10

Tanaa iko in potabá-Kudon mayá kon tayowon i datu in Mesir sinbá iko in motaau modia kon bangusa-Ku ḷumuai nongkon butá tatua.”

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.