MAZMUR 78:51 - Alkitab Singog In Mongondow Masa In Tanaa

⁵¹ Sia in noḻimod kon adí mita guya-guyang kon batúan in motoḷuadí in Mesir.

MAZMUR 78:51 Referans Kwoze

MAZMUR 105:23

Bo ki Yakub in minayá in Mesir bo nogutun notantú kon tua saḷaku intau ango-angoi.

MAZMUR 135:8

Kon Mesir Sia in noḻimod kon bayongan in adí guya-guyang pinangkoi kon intau nodapot in bobiagon.

MAZMUR 106:22

Totuu motoyang in aid-Nea mita kon butá tatua, mokotongaw onu in inaidan-Nea kon Dagat in Gelagah.

MAZMUR 136:10

Iḻimod-Nea in adí mita guya-guyang in Mesir; tabi-Nea in umuran mononoi.

MAZMUR 105:36

Bo iḻimod-Nea in adí mita ḷoḷaki inta guya-guyang kon bayongan in motoḷuadí in intau in Mesir.

IḶUAIAN 13:15

Kon tungkuḷ in ki datu in Mesir motontogat in gina bo doí mobogoi kon i naton mayá, ki Tuhan noḻimod kon bayongan adí ḷoḷaki inta guya-guyang kon Mesir, pinomayá ki adí intau ande ki adí in biag. Tuamai kita mopokuruban kon i Tuhan in bayongan bobiagon koḷakian inta muna pinogadí, táe tobuton naton in ki adí mita naton inta guya-guyang.’

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

KINOBAḺIAN 49:3

Ruben, ki adíku inta guya-guyang, ikobí in ropotku, bungai uḷuan in ḷoḷakiku. Iko in moroton totok bo moropot kon sigad in bayongan adíku mita.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

MAZMUR 105:27

Kon Mesir mosia in nogaid kon inta mokoherang mita, aid mita moḷoben nongkon i Tuhan,

KINOBAḺIAN 10:6

Ki Adí mita i Ham in ki Kus, Mesir, Libia bo Kanaan.