MAZMUR 78:40 - Alkitab Singog In Mongondow Masa In Tanaa

⁴⁰ Totuu mokakit in mosia in momarontak kon i-Nia, bo moposakí in gina-Nea kon tungkuḷ in kon padang gurun.

MAZMUR 78:40 Referans Kwoze

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

YESAYA 7:13

Bo ki Nabi Yesaya in noguman, “Aka natua, indongogai uḻe buí i Datu Daud! Diápa tugat in moiko in monungkuḷ kon kososabar in intau, modapot in moiko in monungkuḷ doman kon kososabar i Allahku?

MAZMUR 107:11

sin mosia in nomarontakdon kon i Allah bo diá nopandungmai kon parenta i Inta Totok in moḷantud.

MAZMUR 78:17

Táe mosia in umuranbí nogaid kon dosa kon tayowon i Allah, kon rawang nomarontak in mosia kon i Inta Totok in moḷantud.

PINOGIAPAN 14:11

Ki Tuhan noguman kon i Musa, “Naondapa in koonggot in poḷawangan intau mita tanaa kon i-Nakó? Modapotpa in toonu in mosia diá mopirisaya kon i-Nakó, umpaka nobarongdon totok in mokoherang inaidan-Ku kon sigad monia?

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

MAZMUR 78:8

sinbá mosia diá naonda bo mogoguyang monia inta moibog momarontak bo monaḷámai; bui inta noḻiai in pirisayanea, bo diá motoḷutui kon i Allah.