MAZMUR 78:4 - Alkitab Singog In Mongondow Masa In Tanaa

⁴ Diábí bunion nami intua kon i adí mita nami; kami in mopotaaubí kon intau mita inta moiduduimai kon naonda in kawasa i Tuhan bo bayongan inta binaḻí-Nea inta moḷoben, takin aid-Nea mita inta mokoherang.

MAZMUR 78:4 Referans Kwoze

ULANGAN 11:19

Tundúdon kon i adímu mita. Oumandon kon bonu in baḷoi bo kon ḷuai in baḷoi, kon dodai in mogogai ande kon dodai in mogaid.

YOËL 1:3

Oumandon onu inta nobaḻí tatua kon i adímu mita; sinbá oumanon doman monia intua kon i adí mita monia in ouman tatua. Buí moiduduimai in musti mokidongog doman kon tua, bo mopotaau doman kon buí moiduduimai.

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 6:7

Tundúdon kon i adímu mita. Ouman intua kon bonu in baḷoi bo kon ḷuai in baḷoi, kon dodai in mogogai bo kon dodai in mogaid.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

MAZMUR 26:7

sindaḷan mopodondong in dondong sukur, bo mopotaau in aid-Mu inta mokoherang.

AYUB 15:18

Onu in sinundú in intau moarip kon inakó. Totundú tatua in sinarimanea nongkon mogoguyangnea bo iningguputan takin diá in ginaatan kon buínea.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:8

Kon pomangkoian porayaan tatua moiko in musti mongonguman kon i adímu inta ḷoḷaki kon bayongan tua in pinomia sin monorop kon bayongan inta ain inaidan i Tuhan kon inimu kon tungkuḷ in moiko nonaḷámaidon kon butá in Mesir.

IḶUAIAN 12:26

Aka ki adímu mita moḻibó, ‘Onu in mangaḻe upacara tanaa?’

YESAYA 38:19

Tongábí intau nobiag in modayow kon ini-Mu, ná inta inaidanku singgai in naa. Guyanga in mongonguman kon i adínea kon totuubí kon mosatia totok in Iko, o Tuhan.