MAZMUR 78:26 - Alkitab Singog In Mongondow Masa In Tanaa

²⁶ Pinoki pogirupan-Nea in tompot in pomukaan; pinongin kawasa-Nea tompot in toḷatan nogirup.

MAZMUR 78:26 Referans Kwoze

PINOGIAPAN 11:31

Bo daḻídon in ki Tuhan nopoangoi in tompot nongkon dagat; tompot tatua nodia mangoi kon ḷagapan mita pepekow inta iḷumayug noompá totok, modapot in tongá tometer nongkon butá. Ḷagapan mita tatua ḷumayug magí mako kon pinononḷoḷaigan monia nodapot kon bayongan in tampat inta kon diugmai monia tua.

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

IḶUAIAN 10:13

Ki Musa in nopotonggó doman in tungkudnea bo ki Tuhan nopoangoi in tompot nongkon pomukaan bo nogirup kon butá tatua singgai bo doḷom. Aka modiugdon mobayag tompot tatua mogirup mopoangoi in pangkoḷá mita

PINOGIAPAN 11:33

Kon dodai in oyúonpa in ponoyá kaanon monia, ki Tuhan sinumorú kon bangusa tatua bo nopoangoi in bodito kon sigad monia.

MAZMUR 147:18

Bo pinodoyon kon parenta-Nea eis tatua in notatom; Sia in nopoirup in tompot, dá tubig in noiḻig domandon.