MAZMUR 77:9 - Alkitab Singog In Mongondow Masa In Tanaa

⁹ Degá nogogaidon in Sia motabi kon inami? Degá diádon intompodan-Nea in dandi-Nea bui?

MAZMUR 77:9 Referans Kwoze

MAZMUR 40:11

Habar kasaḷamatan tatua in diábí tongá sinagúku mako kon bonu in gina, totuḷung bo kososatia-Mu umuran potaauku. Kon tayowon in poyosipunan in umat-Mu diábí in akuoi tongá kibio-biómai, táe pinotaaukubí in tabi bo kososatia-Mu.

YOHANES 1 3:17

Aka moiko inta nobiagdon nooyúon bo nokoontong kon utat inta nobiag nobogá, táe doí motuḷung kon i utatnea tatua, dá naondabí in sia motaau moguman, ‘Akuoi in motabi kon i Allah?’

SURAT I PAULUS KON JAMAAT RUM 11:32

Sin ki Allah in nopomayádon mako kon bayongan intau kinawasadon in aid mita inta diá motoindudui, sinbá Sia in motaau mopoontong in tabi-Nea kon i monia komintan.

YESAYA 63:15

O Tuhan, indoiaidon nongkon soroga, nongkon tampat-Mu inta motusi bo momulia. Kon onda in tabi bo kotorindog-Mu? Kon onda degá in gina-Mu inta kinoaputan in totabi-Mu? Dikadon tahangon-Mu in gina-Mu kon inami.

YESAYA 40:27

Dá Israel, nongonu sin iko in mogamuibí, naonda bo ki Tuhan Allahmu in diá nonotaau kon rorigamu? Naonda bo diá indoian-Neamai in kobiaganmu, bo diá noindoimai kon hakmu?

MAZMUR 51:1

Kon i itoi in mododondong. Mazmur i Daud

MAZMUR 25:6

Toropdon in kopopia bo tabi-Mu, o Tuhan, inta pinoontong-Mu nongkon dungkuḷ.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!