MAZMUR 76:9 - Alkitab Singog In Mongondow Masa In Tanaa

⁹ Nongkon ḷangit Iko moponiata in onu in sinantú-Mu; butá moondok bo kibio-biómai.

MAZMUR 76:9 Referans Kwoze

MATIUS 5:5

Pia in kamang in intau inta moaḷus in oaid bo pososingog sin mosia tua i motarima kon dandi i Allah.

ZEPANYA 2:3

Angoidon bui kon i Tuhan, ei bayongan intau inta moompá in dodia kon butá tanaa, bo bayongan in intau inta dinumudui kon parenta-Nea mita. Pogaidon kon onu inta kinoibog i Tuhan, bo pokoompádon kon dodia kon tayowon-Nea. Dika-dika bo iko in moisimparut nongkon hukuman kon singgai ki Tuhan mopoontong in torú-Nea.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

YEREMIA 5:28

bo moḷongó bo mobiag motompia. Aid monia moraat diá in imbuitnea. Mosia in diábí moadil kon pelekara in adí mita uno-unon, bo diá moduḷu kon hak in intau mita inta dinorot.

MAZMUR 149:4

Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 72:4

Igumon mako ki Tuhan in moduḷu kon hak in intau inta dinorot, motuḷung kon intau mita nobogá bo moyompat kon intau mita inta nondorot kon i monia.

MAZMUR 25:9

Ki Tuhan in mokapit kon intau inta moompá in gina, bo motundú kon i monia onu in kinoibog-Nea.

PINOGIAPAN 12:4

Bo daḻídon ki Tuhan noguman kon i Musa, kon i Harun bo kon i Miryam, “Kamu toḷu bayádon kon Ḷoḷaigan-Ku.” Bo minayá domandon in mosia kon tua

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.