MAZMUR 74:7 - Alkitab Singog In Mongondow Masa In Tanaa

⁷ Mosia in noturub kon Baḷoi-Mu nodapot in nodait; bo noponajis in tampat pososumbaan kon ini-Mu.

MAZMUR 74:7 Referans Kwoze

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

MAZMUR 89:39

Táe tanaa in Iko tumorú kon i datu, Iko in noḷumbú bo nondoí kon intau inta piniḻí-Mu.

MATIUS 22:7

Bo datu tatua totok in sinumorú. Pinotabánea in tontaranea minayá nomutú kon moḷoḻimod, bo nonurub kon kotá monia tua.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

OMBAḶ 2:2

Bayongan in rawang in bonok kon butá in Yohuda, irimumud-Nea takin diá in tabi. Kon bonu in torú-Nea dinangatan-Nea nodapot in noumpag in dinding mita inta nogoḻingoi kon butá tatua. Dodatuan tatua takin itoinea mita iḷabú-Nea nodapot in mokooyádon.

YESAYA 64:11

Baḷoi i Allah inta motusi bo momulia tampat in mogoguyang nami modayowmai kon ini-Mu, aindon kinaan in tuḷú; bayongan tampat inta kinoibog nami aindon nobaḻí goguyaatnea.

DATU MITA IMITÁNEA 8:20

Tanaa in ki Tuhan in nogintompodon kon dandi-Nea. Akuoi ain nobaḻí datu in Israel nomaḷui kon i amáku, bo akuoi in noposindog domandon in baḷoi pososumbaan kon i Tuhan, Allah in Israel.

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

OMBAḶ 2:6

Sia in norimumud kon baḷoi-Nea tampat pososipunan in umat-Nea sin mosumba kon i-Nia. Binaḻí-Nea in intau mokoḻiong kon singgai in Sabat bo singgai mita moḷoben ibanea. Popisí in ki Tuhan totok in sinumorú, imang bo datu in kinodoí-Neadon.

YEHEZKIEL 7:24

Bangusa mita inta totok in moromú in poangoi-Kubí sin mongawasa kon baḷoimu mita. Intaumu mita inta mongotoyang bo inta mongotorindog in moondokbí aka pomayá-Ku mako in bangusa mita tatua morimumud kon tampat mita pooibadaanmu.