MAZMUR 74:11 - Alkitab Singog In Mongondow Masa In Tanaa

¹¹ Nongonu sin Iko in diá bidon motuḷung kon inami? Nongonu sin pinomayá-Mubí mako in kami?

MAZMUR 74:11 Referans Kwoze

OMBAḶ 2:3

Kon bonu in torúnea inta tumaga-tagab, ropot in Israel pinutoḷ-Nea. Kon wakutu in kita sinubu in ḷawang, mobogat in gina-Nea in motuḷung. Naonda bo tuḷú moborambang momokak kon bayongan in yagi-yaginea, natuata in ki Tuhan sinumorú kon i naton komintan.

YESAYA 64:12

Iko in nokoontong kon tua komintan, o Tuhan, umpaka dá Iko in tongábí kibio-biómai? Eta degá tongádon pomayá-Mu mako in kami mobaba kon roriga mobogat totok?

MAZMUR 44:23

Popisí in dinumudui kon ini-Mu dá kami in umuranbí gogondokon in popatoi, bo pinomia naonda bo domba inta rorataan.

SAMUEL 1 4:3

Naonda in kiagat in tontara inta sinaḷow tatua nobui kon pinononḷoḷaigan, itoi mita in Israel noguman, “Nongonu degá sin pinomayá bidon mako i Tuhan in kita sinaḷow in intau in Pilistin kon singgai in naa? Igai gamáan naton in Poti Dodandian i Tuhan nongkon Silo, bo diaan naton mangoi, sinbá ki Tuhan motuḷung kon inaton bo moposaḷamat kon inaton nongkon musung.”