MAZMUR 73:28 - Alkitab Singog In Mongondow Masa In Tanaa

²⁸ Táe aka kon inakó yo totuubí kon mopia in kon diug i Allah, Tuhan Allah in baḻíonku pononiunganku, sinbá motaau in akuoi mopotaa-taau mako in bayongan inta inaidan-Nea.

MAZMUR 73:28 Referans Kwoze

MAZMUR 40:5

Pia in kamang in intau inta mopirisaya kon i Tuhan, inta diá dinumudui nosumba kon dewa mita, andeka nopoigum in totuḷung kon intau mita mongoḷoḷatú.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

MAZMUR 65:4

Dosaku mita moiḻiudon in bogat kon inakó, táe inampungan-Mudon.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.

MAZMUR 118:17

Akuoi in diábí matoi, táe umuranbí mobiag sin mopotaa-taau mako kon aid i Tuhan.

MAZMUR 71:24

Kinoouput in singgai popotaaukubí in kooadil-Mu, sin intau mita inta moibog mopobodito kon inakó ain sinaḷow bo pinokopo oyámai.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

MAZMUR 116:7

Pinoodomku in ginaku, sin ki Tuhan in mopia kon inakó.

MAZMUR 107:22

Biódon mako in mosia mopoyaput in sukur poḷat modia kon sosumba, bo mopotaa-taau mako in aid-Nea pongin dondong pia in gina.

MAZMUR 71:17

O Allah, Iko in notundú kon inakó pinangkoipamai kon akuoi noguodpa, nodapot in tanaa oumanonku in onu inta inaidan-Mu inta mokoherang.

MAZMUR 66:16

Angoidon bo indongogaidon, ei bayongan in intau inta motoguondok kon i Allah, oumanonkudon onu inta inaidan i Allah kon inakó.

MAZMUR 14:6

Intau moraat in moibogbí moḷamboi kon intau nobogá, táe ki Tuhan in nobaḻí moḷoḷukadnea.

SAMUEL 1 14:36

Onda intua ki Saul noguman kon intaunea mita, “Koḻigai mayá in kita monubu kon intau in Pilistin doḷom naa bo mogagow kon i monia modapot in doḷo-doḷom bo moḻimod kon i monia komintan.” Mosia in notubag, “Mopia Tuang Datu aidaidon onu inta mopia kon mata i Tuang datu.” Táe ki imang in noguman, “Koḻigai munapa in kita mopoigum in totundú nongkon i Allah.”

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.