MAZMUR 72:2 - Alkitab Singog In Mongondow Masa In Tanaa

² Igumon mako sia in mohakim kon umat-Mu podudui in hukum, bo mopoaid in inta moadil kon intau inta dinorot.

MAZMUR 72:2 Referans Kwoze

YESAYA 32:1

Indoiaidon, moiangoibí in wakutunea datu tobatú momarenta moadil bo itoi mita in bangusa mopobayá in inta moadil.

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

YESAYA 9:7

Ki Tuhan ain nopoḷabú in hukuman kon dodatuan in Israel.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

YEREMIA 33:15

Kon dodai intua intau moadil tobatú nongkon buí i Daud in piḻíon-Kubí mobaḻí datu. Datu tatua in mogaid kon onu inta moadil bo inta totuu kon sinangkub in butá.

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 10:9

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

TAWARIKH 1 29:19

Ogoiaidon in ki Salomo, ki adíku ḷoḷaki in ibog inta totu-totuu dumudui kon bayongan in parenta-Mu bo moposindog in baḷoi pooibadaan tatua inta ain pinosadiaku.”

AMSAL 29:14

Aka datu mobela kon hak in intau moyangkó, yo kon taonganneabí in sia in momarenta.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.