MAZMUR 72:15 - Alkitab Singog In Mongondow Masa In Tanaa

¹⁵ Mobiagdon in ki Tuang datu! Igumon mako kon inia ogoian in sosumba buḷawan nongkon Arab. Igumon mako sia in sambayangan pomuḷoi mako bo umuran barakatan.

MAZMUR 72:15 Referans Kwoze

DATU MITA IMITÁNEA 10:14

Pomuḷoi in taong ki Datu Salomo motarima kon gogió bo 23.000 nokilo in buḷawan,

YUDAS 1:25

Tongábí Sia tua in ki Allah, Mopoposaḷamat naton pongin i Yesus Kristus Tuhan naton. Siata in ki Allah inta momulia, Moḷoben, mokawasa bo inta mokobangkaḷ nongkon tungkuḷpa intua, masai naa bo modapot kopaḷutan in dunia naa! Amin.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

YOHANES 1 1:2

Wakutu in kinobiagan tatua pinoniata, nokoontong doman in kami. Tuamai kami in mobogoi in sakusi soaḷ Sia. Kami in mopotaau kon i monimu soaḷ kobiagan mopia bo mononoi moyotakin i Amá, sin tua aindon pinoontong kon i nami.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

TESALONIKA 1 3:11

Bo poigumon mako ki Allah, ki Amá naton bo ki Tuhan naton ki Yesus Kristus mobogoi in daḷan kon inami sinbá moyodungkuḷdon bui monimu!

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

YESAYA 60:6

Butámu in posipunandon in unta mobayong, mosia in mamangoi nongkon Midian bo Epa. Nongkon Syeba intau modia kon buḷawan bo kamania, sindaḷan modayow kon aid i Tuhan.

YOHANES 14:19

Diádon moonggot bo diádon ontongon in dunia naa in Akuoi. Táe moiko in mokoontongbí kon i-Nakó. Bo lantaran in Akuoi nobiag, dá moiko in mobiagbí doman.

YOHANES 11:25

Ki Yesus in noguman bui kon i Marta, “Akuoibí inta mobogoi in kobiagan bo inta momiag kon intau minatoi. Intau inta mopirisaya kon i-Nakó in mobiagbí, umpakabí in sia minatoidon.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 6:10

Ikobí in Datu nami. Igumon mako Iko in momarenta kon dunia naa, bo inta koibog-Mu in duduian naonda bo kon soroga.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 45:4

Pogabitdon in kedangmu kon ogotan, ei datu inta motorindog, iko in totok in momulia bo motaingkat!

MAZMUR 21:4

Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

TAWARIKH 2 9:1

Datu Bobay in butá in Syeba in nokodongogdon kon ki Salomo in ponango-nangoiandon totok. Dá namangoi in sia in Yerusalem sin monungkuḷ kon i Salomo pinongin tangkí mita inta mongobogat tubagan. Namangoi in sia kotaki-takin in intaunea mita mobayong bo unta inta dinatogan in noyagi-yagimai in pododungú mita, batu permata, bo mobayong doman totok in buḷawan. Kon tungkuḷ in noyodungkuḷ i Salomo, ki datu bobay tatua noḻibódon kon noyagi-yagimai inta kinoraiannea.

DATU MITA IMITÁNEA 10:10

Onda intua ki datu bobay nongkon butá in Syeba nobogoi kon i Salomo in tombuinag mita inta dinianea, inta noiḻiu kon 4.000 nokilo in buḷawan bo batu permata inta mobarong doman takin touḷut mita inta mongo bo mongobondu. Diá bidon kon dodai in onda in ki Salomo notarima kon touḷut mita mongo bo mongobondu inta námai tua in kobayong ná inta inogoi i datu bobay inta nongkon butá in Syeba tatua kon inia. (