MAZMUR 71:17 - Alkitab Singog In Mongondow Masa In Tanaa

¹⁷ O Allah, Iko in notundú kon inakó pinangkoipamai kon akuoi noguodpa, nodapot in tanaa oumanonku in onu inta inaidan-Mu inta mokoherang.

MAZMUR 71:17 Referans Kwoze

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 71:5

Sin Ikobí in pongamanganku, o Tuhan, Tuhan, akuoi in mopirisaya kon ini-Mu pinangkoi kon noguodpa in akuoi.

MAZMUR 119:102

Diábí pomayáku mako in hukum-Mu, sin Ikobí in notundú kon inakó.

MAZMUR 66:16

Angoidon bo indongogaidon, ei bayongan in intau inta motoguondok kon i Allah, oumanonkudon onu inta inaidan i Allah kon inakó.

MAZMUR 26:7

sindaḷan mopodondong in dondong sukur, bo mopotaau in aid-Mu inta mokoherang.

SAMUEL 2 4:9

Táe ki Daud in notubag, “Ki Tuhan inta nobiag, inta ain noposaḷamat kon inakó nongkon bayongan inta mokobodito, nonotaaubí kon onu inta singogonku naa in totuubí.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

MAZMUR 73:28

Táe aka kon inakó yo totuubí kon mopia in kon diug i Allah, Tuhan Allah in baḻíonku pononiunganku, sinbá motaau in akuoi mopotaa-taau mako in bayongan inta inaidan-Nea.