MAZMUR 71:12 - Alkitab Singog In Mongondow Masa In Tanaa

¹² Dika in Iko yumayú kon inakó, o Allah, Allahku, ḷagidon tuḷungai in akuoi.

MAZMUR 71:12 Referans Kwoze

MAZMUR 35:22

Táe Iko, Tuhan, ain nokoontong kon tua; dikabí kaasí tongá kibio-biómai, o Tuhan, dikabí mokopoyayú kon inakó.

MAZMUR 70:5

Igumon mako bayongan in intau inta nosumba kon ini-Mu moḷunganga bo mopia in gina; bo bayongan in intau inta moibog in kasaḷamatan nongkon ini-Mu umuran moguman, “Totuubí kon moḷantudbí in ki Tuhan!”

MAZMUR 22:11

Nongkon pinononggadípamai, ukurku in kon bonubí in kawasa-Mu, pinangkoipabímai kon bonu in bobuḷadían, Ikobí in ki Allahku.

MAZMUR 10:1

Nongonu sin iko in noyayúbí, o Tuhan bo mogadop kon tungkuḷ in kami mororiga?

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 69:18

Dikabí mogadop kon mogogundoi-Mu naa, sin moyoyigadon totok in akuoi, ḷagidon tuḷungai mangoi in akuoi.

MAZMUR 40:13

Akuoi in kinopung in bodito inta mobayong, kobayongnea in diádon koiyapan. Akuoi in inaḷo-aḷowan mako in dosaku nodapot in akuoi diádon mokoontong. Kobayongnea in noiḻiu kon kobayong in buok kon uḷuku, nodapot in akuoi kinobuḻian in kamang.

MAZMUR 22:19

Mosia in nosilai kon pakeangku, bo nopogonik in undi sin mogamá kon jubahku.