MAZMUR 70:5 - Alkitab Singog In Mongondow Masa In Tanaa

⁵ Igumon mako bayongan in intau inta nosumba kon ini-Mu moḷunganga bo mopia in gina; bo bayongan in intau inta moibog in kasaḷamatan nongkon ini-Mu umuran moguman, “Totuubí kon moḷantudbí in ki Tuhan!”

MAZMUR 70:5 Referans Kwoze

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 141:1

Mazmur i Daud. Akuoi in mokuani kon ini-Mu, o Tuhan, ḷagidon tuḷungai kaasí in akuoi! Indongogaipa kaasí in akuoi aka mokuani kon ini-Mu.

MAZMUR 69:29

Biódon mako in tangoi monia popatan kon buk in intau nobiag; bo diá pinais kon bonu in buk in intau motuḻid.

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.

MAZMUR 109:22

Sin akuoi naa in nobogá bo nororiga, bo ginaku in kinekeban nodaḷom.