MAZMUR 7:12 - Alkitab Singog In Mongondow Masa In Tanaa

¹² Ki Allah in hakim inta moadil, inta pomuḷoi mako mohukum kon intau moraat.

MAZMUR 7:12 Referans Kwoze

OUMAN IN RASUL MITA 3:19

Tuamai pokoratakdon kon raian bo pogogaidon in mogaid kon dosa mita, sinbá ampungandon in dosamu tatua.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

YEHEZKIEL 18:30

Ki Tuhan Inta Totok in moḷantud, in noguman, “Ei intau mita in Israel, Akuoi in monisigbí kon bayongan in intau podudui in aidnea tontaní. Pogogaidon in mogaid kon dosamu mita. Dika pomayámu mako in dosamu momoguyaat kon awakmu.

ULANGAN 32:41

Akuoi in mogatábí kon kedang-Ku inta mopouḻi-uḻinag, bo mopobayá in hukuman. Tuḻían-Ku in bayongan musung-Ku bo hukumon-Ku in bayongan inta doí kon i-Nakó.

MAZMUR 85:4

Mosia in diá bidon sinorúan-Mu; torú-Mu inta motoyang in ginamá-Mudon bui.

YEHEZKIEL 33:11

Potaaudon kon i monia, kon podoyon kon i-Nakó, ki Allah inta nobiag, ki Tuhan Inta Totok in moḷantud, diábí mopia in gina-Ku, aka intau moraat matoi; ibogon-Ku in sia in monaḷámai kon dosanea mita sinbá sia in umuran mobiag. Ei bangusa in Israel, pogogaidon in mogaid kon inta moraat! Nongonu sin moibogbí in moiko matoi?

YEHEZKIEL 21:23

Intau mita in Yerusalem in diábí mopirisaya kon mosia in tubuon, sin mosia in nomiadon kon dodandian takin Babel. Táe toḻindap tanaa in mobogoi in tompoingat kon i monia kon mosia in domokonbí popisí in dosa mita monia.

YESAYA 34:5

Ki Tuhan ain nosadia kon pitow-Nea kon soroga, bo tanaa pitow tatua in moiantug kon bangusa in Edom inta ain pinopoḷabúan in hukuman bo yopúondon.

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

MAZMUR 9:5

Sin Iko in nomarenta saḷaku hakim inta moadil; Iko in noduḷudon kon pelekaraku.

MAZMUR 129:4

Táe ki Tuhan inta moadil nopoḷuatdon kon inakó nongkon pinononggataan.”